Fréttatíminn nú þrisvar í viku

Frá og með fimmtudeginum 20. október mun Fréttatíminn koma út þrisvar í viku, á fimmtudegi, föstudegi og laugardegi. Þetta er í annað sinn á árinu sem Morgundagur, útgáfufélag Fréttatímans, fjölgar útgáfudögum en útgáfa laugardagsblaðs hófst 7. maí síðastliðinn. 

Mikill meðbyr hefur verið með Fréttatímanum það sem af er árinu. Efnistök öflugra blaðamanna þess hafa vakið mikla athygli og auglýsendur hafa brugðist mjög vel við auknu framboði af auglýsingaplássi. Auk þess hefur vefsvæðinu frettatiminn.is vaxið fiskur um hrygg á árinu. Virkni lesenda á vefnum hefur fimmfaldast frá áramótum og þúsundir Íslendinga deila og gera fréttir Fréttatímans að ánægjuefni á samfélagsmiðlum.

Mikill meðbyr hefur verið með Fréttatímanum það sem af er árinu.