Enn fjölgar lesendum Fréttatímans

Ný könnun Capacent á lestri blaða síðustu þrjá mánuði síðasta árs sýnir að lesendum Fréttatímans fjölgar á meðan færri lesa Fréttablaðið og DV.

Lestur á kjarnasvæði Fréttatímans, sem er höfuðborgarsvæðið, eykst líka í öllum hópum og 69% kvenna á þessu svæði á aldrinum 25-80 ára lesa Fréttatímann. 52% kvenna á aldrinum 25-80 ára lesa Fréttatímann á landinu öllu.

Það dregur saman með stóru fríblöðunum tveimur á höfuðborgarsvæðinu og í sumum markhópum er Fréttatíminn meira lesinn en Fréttablaðið.